کراچی آج بھی شدید گرمی اور مرطوب موسم کی لپیٹ میں رہے گا۔ محکمہ موسمیات کے مطابق شہر کا موجودہ درجہ حرارت 31 ڈگری سینٹی گریڈ ہے جبکہ گرمی کی شدت 33 ڈگری سینٹی گریڈ تک محسوس کی جارہی ہے۔
محکمہ موسمیات کا کہنا ہے کہ دن میں درجہ حرارت 38 ڈگری سینٹی گریڈ تک جا سکتا ہے جبکہ ہوا میں نمی کے بلند تناسب کے باعث گرمی کا احساس 41 سے 43 ڈگری سینٹی گریڈ تک ہوسکتا ہے۔
محکمہ موسمیات کے مطابق ہوا میں نمی کا تناسب 70 فیصد ریکارڈ کیا گیا ہے جبکہ جنوب مغرب کی سمت سے 9 کلومیٹر فی گھنٹہ کی رفتار سے ہوائیں چل رہی ہیں۔
محکمہ موسمیات نے آئندہ 24 گھنٹوں کے دوران بھی شدید گرمی کی پیشگوئی کی ہے تاہم شام کے وقت سمندری ہوائیں بحال ہونے کا امکان ظاہر کیا گیا ہے جس سے موسم میں کچھ بہتری متوقع ہے۔
ماہرین نے شہریوں کو ہدایت کی ہے کہ بلا ضرورت گھروں سے باہر نکلنے سے گریز کریں، دھوپ میں احتیاط برتیں اور پانی کا زیادہ استعمال کریں۔
