دبئی عجمان کے ایک فائیو سٹار ہوٹل میں افطاری کی ایک تقریب ہوئی جس کا اہتمام عجمان اور شارجہ کے 2 فائیو اسٹار ہوٹلز کے ایریا جنرل منیجرافتخار ہمدانی نے کیا- افطار ڈنر میں قونصلیٹ جنرل آف پاکستان دبئی کے پریس قونصلر محمد صالح خاں، پاکستان سوشل سینٹر شارجہ کے صدر چوھدری خالد حسین، اشفاق احمد، زمرد بونیری، اعجاز گوندل، حافظ زاھد علی ، کاشان تمثیل ھاشمی، خالد ملک، خالد محمود گوندل ، ارشد رانا ،طارق ندیم ،محمد اشفاق ، حافظ عبدالروف ،امجد قاسمی,رئیس قریشی، ملک وحید بابر ،سمیئع اللہ احسان اور پاکستانی کمیونٹی کے دیگر لوگوں نے شرکت کی-
افطار ڈنر میں آمد پر افتخار ہمدانی نے پریس قونصلر محمد صالح خاں کا استقبال پھول پیش کر کے کیا – اس موقع پر محمد صالح خاں نے افتخار ہمدانی کا شکریہ ادا کرتے ھوئے کہا کہ متحدہ عرب امارات کے صدر شیخ محمد بن زاید النییان نے 2025 کو کمیونٹی کا سال قرار دیا ہے – یواے ای میں تمام ممالک اور مذا ھب کے باشندے مل جل کر رہ رھے ہیں یہی اس ملک کی ترقی اور کامیابی ھے پاکستانی کمیونٹی یہاں کی دوسری بڑی کمیونٹی ھے جس کا یہاں کی تعمیر و ترقی میں اھم رول ھے امارات پاکستانیوں کا دوسرا گھر ھے-افتخار ہمدانی نے کہا کہ ھم امارات کے حکمرانوں کے شکر گزار ھیں کہ انہوں نے یہاں ہمیں کاروبار اور ملازمت کے وسیع مواقع فراھم کئے- ماہ رمضان کی فضیلتوں کا ذکر کرتے ھوئے کہا گیا کہ رمضان المبارک گناہوں اور غلطیوں کے لیے اللہ سے معافی مانگنے کا مہینہ ہے- اس ماہ الله کی رحمتوں کا نزول ہوتا ہے-ماہ رمضان مسلمانوں کے لیے اپنے صدقہ دینے میں اضافہ کرنے، ضرورت مندوں کی مدد کرنے اور سماجی انصاف کو فروغ دینے کا موقع فراہم کرتا ہے-
ماہ رمضان مسلمانوں کو دوسرے مذاہب کے لوگوں کے ساتھ امن اور ہم آہنگی کو فروغ دینے،مسلمانوں کے لیے اپنے اعمال، خیالات اور احساسات پر غور کرنے اور اپنی زندگیوں میں مثبت تبدیلیاں لانے کا وقت ہے-
