مراکش کشتی حادثے میں زندہ بچ جانے والے 22 پاکستانیوں کی مرحلہ وار وطن واپسی آج سے شروع ہوگی۔ ذرائع کے مطابق متاثرین کی واپسی کے لیے شیڈول تیار کرلیا گیا ہے، جس کے تحت مختلف پروازوں کے ذریعے انہیں پاکستان لایا جائے گا۔
موریطانیہ میں موجود 11 پاکستانیوں کی واپسی کا شیڈول بھی طے کرلیا گیا ہے۔ پہلے مرحلے میں قطر ائیرلائن کے ذریعے انہیں دوحہ اور پھر ایمیریٹس ائیرلائن کے ذریعے براستہ دبئی پاکستانی شہریوں کو وطن واپس بھیجا جائے گا۔
شیڈول کے مطابق، دوسری کھیپ 31 جنوری کو جبکہ تیسری کھیپ یکم فروری کو اسلام آباد ائیرپورٹ پہنچے گی۔
ذرائع کا کہنا ہے کہ حکومت پاکستان اور متعلقہ ادارے متاثرین کی واپسی کو یقینی بنانے کے لیے مکمل رابطے میں ہیں۔
واضح رہے کہ حالیہ دنوں میں مراکش کے قریب ایک کشتی حادثے کا شکار ہوگئی تھی، جس میں متعدد پاکستانی تارکین وطن بھی سوار تھے۔ حادثے میں کئی افراد جاں بحق ہوئے جبکہ 22 پاکستانی خوش قسمتی سے زندہ بچ گئے۔
