ڈی آئی جی ٹریفک نے کراچی میں بین الاقوامی نمائش کیلیے سیکیورٹی انتظامات کے پیش نظر شارع فیصل اور کارساز کے اطراف تمام اسکولز بند رکھنے کے لیے کمشنر کراچی کو مراسلہ لکھا ہے۔
واضح رہے کہ کراچی ایکسپو میں عالمی دفاعی نمائش کے لیے تیاریاں عروج پر ہے جس کی سیکیورٹی کے غیرمعمولی اقدامات اٹھائے جارہے ہیں۔
خط میں درخواست کی گئی کہ بین الاقوامی نمائش کے تحت 4 روز تک شارع فیصل اور کارساز کے اطراف کے اسکول بند رکھے جائیں۔
ڈی آئی جی ٹریفک نے کہا کہ شارع فیصل اور کارساز کے اطراف 19 سے 22 نومبر تک 22 اسکول بند رکھیں جائیں، اسکول کھلنے سے ٹریفک کی روانی متاثر ہوتی ہے۔
ڈی آئی جی ٹریفک کے مطابق اسکولوں کی بندش سے نمائش کے دوران ٹریفک کی روانی بہتر ہوسکتی ہے
