ایئرپورٹس سیکیورٹی فورس نے لاہور ایئرپورٹ پر بحرین جانے والے مسافر سے ڈھائی کروڑ روپے سے زائد مالیت کی آئس ہیروئن برآمد کرلی۔
اے ایس ایف حکام کے مطابق مسافر نے ایک کلو 600 گرام آئس ہینڈ کیری کے پچھلے حصے میں نہایت مہارت سے چھپا رکھی تھی اے ایس ایف اہلکاروں نے تلاشی کے دوران آئس برآمد کرکے اسمگلنگ کی کوشش ناکام بنا دی۔ مسافر کو برآمد آئس کے ساتھ مذید کارروائی کے لئے اے این ایف کے حوالے کر دیا گیا۔
