شارجہ، پاکستان سوشل سنٹر کے زیراہتمام سالانہ میلادالنبیؐ کی تقریب منعقد ہوئی۔ ہمیں نبی کریم صلی اللہ علیہ وسلم کی تعلیمات پر عمل کرنا چاہیے تاکہ ہم اپنی دنیا اور آخرت سنوار سکیں۔ ان خیالات کا اظہار پاکستان کے نامور علمائے کرام نے شارجہ میں پاکستان سوشل سنٹر کے زیراہتمام جشن میلاد مصطفیٰ کے موقع پر اظہار خیال کرتے ہوئے کیا۔ تاریخ 4.9.2025 تک۔ وقت رات 8 سے 11.30 بجے تک ہے۔ محمد اکرم شہزاد نے تمام معزز مہمانوں کو خوش آمدید کہا،
پروگرام کا آغاز عمران چوہدری کی تلاوت کلام پاک سے ہوا۔ تقریب کی نظامت کے فرائض حافظ عبدالرؤف نےانجام دیئے۔ تقریب میں بورڈ آف ڈائریکٹرز پاکستان سوشل سنٹر شارجہ۔ عمران رفیق۔ عمران اسلم، فراز صدیقی, کے علاوہ عبد الرزاق کینال ، محمد عمر بلوچ ، عتیق خان، راشد الاسلام نے خصوصی شرکت کی۔ ثناء خوانوں نے بارگاہ رسالت مآب میں گلہائے عقیدت ادا کیے. نعت خوانوں میں محمد اصغر قادری سرفراز مغل فاروق چشتی، مزمل شیخ, اللہ رکھا مغل, محمد آصف، قاری مرتضی, محمد اعظم ورک,خان ذیشان گوہر، محمد علی قادری،اعجاز احمد قادری، قاری محمد عباس، سرمد نے شرکت کی۔ محمد علی قادری اور دیگر نعت خوانوں نے مصطفیٰ صلی اللہ علیہ وآلہ وسلم پر درود و سلام پڑھا اور مقررین نے سیرت نبوی کے موضوع پر تقاریر کیں۔ میلاد مصطفی کے آرگنائزرعمران رفیق۔ فراز احمد صدیقی اور محمد اکرم شہزاد نے تمام نعت خوانوں میں تحائف بھی تقسیم کئے,اوران کی آمد پر شکریہ ادا کیا۔ شارجہ سینٹر میں منعقدہ جشن میلاد مصطفیٰ میں کمیونٹی کی بڑی تعداد نے شرکت کی۔ یاد رہے کہ خواتین کیلئے پردہ کا علیحدہ انتظام کیا گیا۔ تقریب کے اختتام پر ملکی سلامتی اور خوشحالی کے لیے ڈاکٹر محمد اکرم شہزاد نے خصوصی دعا کروائی.
