عجمان. حسب روایت اس سال بھی پاکستان مسلم لیگ ن عجمان یونٹ کی طرف سے جشن آزادی کی شاندار تقریب کا انعقاد کیا گیا.پاکستان مسلم لیگ ن عجمان یونٹ نے پاکستان کا 78واں جشن آزادی کا کیک کاٹ کرمنایا.جس میں مرکز سے پیٹرن چوہدری عبدالغفار، عجمان کے یونٹ کے چیئرمین چوہدری عارف عامر منہاس، صدر چوہدری شہباز غفار، جنرل سیکرٹری غلام صدیق اعوان، نائب صدر چوہدری رشید, عارف بلوچی ڈپٹی انفارمیشن سیکرٹری کے علاوہ پاکستانی کمیونٹی کی کثیر تعداد نے بھرپور شرکت کی.
اس موقع پرپیٹرن چوہدری عبدالغفار اور چوہدری شہباز غفارصدر پاکستان مسلم لیگ ن عجمان نے کہا کہ پاکستان عطیہ خداوندی ہے ہمیں اس کی قدر کرنی چاہیے- حصول پاکستان کے لیے ہمارے آباؤ اجداد نے بیشمار قربانیاں دی ہیں- یہ قربانیوں کا ہی ثمر ہے کہ ہم ایک آزاد ملک میں آزادی کے ساتھ رہ رہے ہیں.انہوں نےکہابلا شبہ یہ اللہ پاک کا خاص کرم اور ہمارے آباؤ اجداد کی قربانیوں کا ثمر ہے کہ آج ہم غلامی سے آزاد ہیں ۔ اور ہمیں آج کے اس مبارک دن اللہ تعالیٰ سے دعا کرنا چاہیے کہ اس مملکت خداداد کو دن دگنی رات چوگنی ترقی عطا فرمائے اور ہمیں اس ملک کی ترقی میں دوسرے پاکستانیوں کے شانہ بشانہ چلنے کی توفیق عطا فرمائے اور ہم ایسا طرز عمل اختیار کریں کہ آنے والی نسلیں اس کی تقلید کرتے ہوئے اپنے تئیں پاکستان کی ترقی میں کوئی کسر نہ چھوڑیں۔ یہ ملک ایک اسلامی فلاحی مملکت ہے اس کے قیام کا مقصد یہی تھا کہ مسلمان آزادانہ طور پر رہتے ہوئے اس ملک کی ترقی کے لیے دن رات کوشاں رہیں۔
