واٹس ایپ نے اپنے صارفین کے لیے چیٹ کا تجربہ مزید بہتر بنانے کے لیے ایک نیا اور مفید فیچر متعارف کرایا ہے، جس کا نام “رائٹنگ ہیلپ” رکھا گیا ہے۔
یہ نیا فیچر فی الحال واٹس ایپ کے اینڈرائیڈ بیٹا ورژن میں دستیاب ہے اور اس کا مقصد صارفین کو میسجز لکھنے، ایڈٹ کرنے اور جواب دینے میں ذہین مدد فراہم کرنا ہے۔
WABetaInfo کے مطابق یہ فیچر واٹس ایپ کی کمیونیکیشن کو زیادہ فطری، تیز اور مؤثر بنانے کے لیے تیار کیا گیا ہے۔ اگر صارفین کو درست الفاظ چننے میں دقت ہو، جلد بازی میں جواب دینا ہو یا پیغام کو بہتر انداز میں پیش کرنا ہو، تو یہ فیچر رئیل ٹائم میں تجاویز فراہم کرے گا۔
دلچسپ بات یہ ہے کہ دیگر اے آئی اسسٹنٹس کے برعکس، واٹس ایپ کا یہ فیچر آن-ڈیوائس انٹیلیجنس پر مبنی ہوگا، یعنی میسج کا تجزیہ آپ کے فون پر ہی ہوگا، کسی بیرونی سرور پر نہیں۔
فیچر کے تحت اے آئی کی جانب سے متعدد تجاویز دی جائیں گی جن میں سے صارف اپنی مرضی کی تجاویز منتخب کر سکتا ہے۔
یہ فیچر اختیاری ہوگا اور بائی ڈیفالٹ غیر فعال رہے گا، جسے صارف خود سیٹنگز میں جاکر فعال کرے گا۔
فی الحال یہ آزمائشی مراحل میں ہے اور محدود صارفین کے لیے دستیاب ہے، جبکہ عام صارفین کے لیے اس کی دستیابی کی تاریخ ابھی سامنے نہیں آئی
