دبئی (خالد محمود گوندل )دبئی, پاکستان کا 78واں یوم آزادی متحدہ عرب امارات کی مختلف ریاستوں میں مقیم پاکستانیوں نے روایتی جوش و خروش کے ساتھ منایا-
یوم آزادی کی ایک تقریب کا اہتمام صدر پاکستان مسلم لیگ ن دبئی سہیل عامر گھمن نے دبئی میں کیا جس میں عبدالرزاق،میاں غلام محی الدین، ساجد حسین وِرک، جان قادر، وہا ج سہیل گھمن، عون محمد، روکیش کمار، سعید احمد، علی احمد، وسیم انجم، عبدالرحمٰن، عثمان احمد ایڈوکیٹ، مظہر اقبال، عبدالرحمٰن، اقبال مغل، عمار حسن گھمن اور ذوالفقارعلی مغل نے شرکت کی-
یوم آزادی کی تقریب میں شرکاء نے کہا کہ پاکستان عطیہ خداوندی ہے ہمیں اس کی قدر کرنی چاہیے- حصول پاکستان کے لیے ہمارے آباؤ اجداد نے بیشمار قربانیاں دی ہیں- یہ قربانیوں کا ہی ثمر ہے کہ ہم ایک آزاد ملک میں آزادی کے ساتھ رہ رہے ہیں- ہر پاکستانی کو خواہ وہ پاکستان میں ہے یا بیرون ملک اسے ملکی وقار اور عزت کے لئے اپنے حصّے کا فرض ادا کرنا چاہیے- اس موقع پر یوم آزادی کا کیک بھی کاٹا گیا اور ملکی سلامتی کے لئے دعا کی گئی- تقریب میں پاکستان اور متحدہ عرب امارات میں تعلقات میں مضبوطی اور پائیدار تعلقات کے لیے بھی دعا کی گئی –
