راولپنڈی: یومِ استحصال کشمیر کے موقع پر پاک فوج کے شعبہ تعلقات عامہ (آئی ایس پی آر) کی جانب سے جاری بیان میں کہا گیا ہے کہ افواجِ پاکستان کشمیریوں کے حقِ خودارادیت کی جدوجہد کی مکمل حمایت کرتی ہیں۔
آئی ایس پی آرکے مطابق مسلح افواج، چیئرمین جوائنٹ چیفس آف اسٹاف کمیٹی، چیف آف نیول اسٹاف اور چیف آف ائیراسٹاف نے بھی مقبوضہ کشمیرکے وام سے مکمل یکجہتی کا اعادہ کیا ہے۔
کشمیریوں کی جدوجہد اقوامِ متحدہ کی قراردادوں اوربین الاقوامی قوانین کے عین مطابق ہے جبکہ بھارتی سکیورٹی فورسزکا کشمیرپرغاصبانہ قبضہ عالمی اصولوں کی کھلی خلاف ورزی ہے، مقبوضہ کشمیرکی آبادی کا تناسب تبدیل کرنے کی بھارتی کوششیں بھی ناقابل قبول ہیں۔
انہوں نے کہا کہ بھارت کے جابرانہ اقدامات، اشتعال انگیز بیانات اورمسلسل فوجی دباؤنہ صرف خطے میں امن و استحکام کومتاثرکررہے ہیں بلکہ انسانی المیے کومزید سنگین بنا رہے ہیں۔
انہوں نے مزید کہا کہ جنوبی ایشیا میں پائیدارامن کا قیام مسئلہ کشمیرکے منصفانہ، پُرامن اورکشمیری عوام کی خواہشات کے مطابق حل کے بغیرممکن نہیں۔
مسلح افواج نے مقبوضہ کشمیرکے شہداء کوخراجِ عقیدت پیش کرتے ہوئے اس عزم کا اعادہ کیا ہے کہ پاکستانی قوم اورافواج کشمیری بھائیوں کیساتھ ان کی حق وآزادی کی جدوجہد میں ہمیشہ شانہ بشانہ کھڑی رہیں گی۔
