نائب وزیراعظم اور وزیرخارجہ اسحاق ڈار چین کے سرکاری دورے پر بیجنگ پہنچ گئے۔
ترجمان دفتر خارجہ شفقت علی خان کے مطابق چینی وزارت خارجہ کی ایشیائی امور کی سربراہ یو ہونگ نے وزیرخارجہ اسحاق ڈار کا ایئرپورٹ پر استقبال کیا، پاکستانی سفیر خلیل الرحمان ہاشمی اور چینی وزارت خارجہ کے حکام بھی ایئرپورٹ پر موجود تھے۔
ترجمان دفتر خارجہ کے مطابق وزیرخارجہ کل تیانجن میں شنگھائی تعاون تنظیم (ایس سی او) وزرائے خارجہ اجلاس میں وفد کی قیادت کریں گے۔
دفتر خارجہ کا کہنا ہے کہ اسحاق ڈار چینی صدر اور شنگھائی تعاون تنظیم کے وزرائے خارجہ سے ملاقات کریں گے۔
اسحٰق ڈار کی ایس سی او ممالک کے وزرائے خارجہ سے دو طرفہ ملاقاتیں بھی شیڈول ہیں، جبکہ وہ شنگھائی تعاون تنظیم کے دیگر وزرائے خارجہ کے ہمراہ چینی صدر سے بھی ملاقات کریں گے۔
