دبئی متحدہ عرب امارا ت میں مقیم ممتاز پاکستانی بزنس مین خاور حسین ،سی ای او جنرل ٹیک (Generaltec) نے گزشتہ روز شارجہ اکنامک ڈویلپمنٹ ڈیپارٹمنٹ (SEDD) کے چیئرمین عزت مآب حمد علی عبد اللہ المحمود سے ملاقات کی- دوران ملاقات شارجہ میں معاشی ترقی کے مستقبل کے بارے میں سیر حاصل بات چیت ہوئی- خاور حسین نے بزنس کو فروغ دینے پر شارجہ حکومت کی سپورٹ کا شکریہ ادا کیا- اس موقع پر خاور حسین نے اپنی کمپنی کی پروڈکٹس پر مبنی کیٹلاگ بھی انہیں پیش کی-
ملاقات کے بعد جنرل ٹیک کے سی ای او خاور حسین نے بتایا کہ شارجہ اکنامک ڈویلپمنٹ ڈیپارٹمنٹ کے چیئرمین عزت مآب حمد علی عبد اللہ المحمود سے ملاقات بہت مفید رہی انہوں نے بزنس کمیونٹی کو ہر قسم کے تعاون کا یقین دلایاہے-
خاور حسین نے کہا کہ یہاں کی حکومت ہمیں کاروبار کے سلسلہ میں ہر قسم کی سپورٹ کرتی ہے جس پر ہم ان کے بیحد ممنون و مشکور ہیں اور ہماری کوشش رہے گی کہ ہم شارجہ حکومت کے ساتھ مل کر کام کریں اور معاشی ترقی میں ان کا ساتھ دیں-
