پاکستانی خلاباز چینی خلائی مشن کا حصہ بنے گا، جس کے لئے انتخاب کا عمل جاری ہے۔
جیوکوان سیٹلائٹ لانچ سینٹر سے شینزو -21 انسان بردار خلائی مشن کے حوالے سے رواں سال فروری میں چین اور پاکستان کے درمیان خلائی تعاون کے معاہدے پر دستخط کے بعد چینی خلائی پروگرام میں شامل ہونے والے پاکستانی خلابازوں کے انتخاب کا عمل جاری ہے۔
ترجمان کے مطابق پرائمری سلیکشن پاکستان میں کی جا رہی ہے جبکہ سیکنڈری اور حتمی سلیکشن چین میں ہو گی۔ دو پاکستانی خلابازوں کو چین میں ٹریننگ میں حصہ لینے کے لیے منتخب کیا جائے گا۔
چین کے خلائی مشن کی پلاننگ اور تعاون کی پیشرفت کے مطابق ایک پاکستانی خلاباز پے لوڈ ایکسپرٹ کے طور پر مختصردورانیے کے لئے خلائی مشن کا حصہ بنے گا اور مشن کے دوران نہ صرف عملے کے ساتھ روزمرہ کے امور کی انجام دہی کرے گا ، بلکہ پاکستان کے لئے خلائی سائنس پر مبنی تجربات بھی انجام دے گا۔
