واشنگٹن: امریکی صدر ڈونلڈ ٹرمپ نے کہا ہے کہ انٹرنیٹ کے ذریعے نوجوانوں کا برین واش کیا جا رہا ہے۔
امریکی صدر ڈونلڈ ٹرمپ نے میڈیا سے گفتگو کرتے ہوئے کہا کہ میرے حکم پر امریکی فورسز نے وینزویلا میں دوسرا فضائی حملہ کیا۔ جس میں 3 دہشت گرد مارے گئے۔ کارروائی اس وقت کی گئی جب دہشت گرد منشیات منتقل کر رہے تھے۔ تاہم حملے میں امریکی افواج کا کوئی نقصان نہیں ہوا۔
انہوں نے کہا کہ احتجاج کے نام پر پیشہ ور مظاہرین جلاؤگھیراؤ میں ملوث ہیں۔ ہم شاید اگلا قدم شکاگو کی طرف بڑھائیں گے۔ اور بدامنی کے شکار شہر شکاگو کو محفوظ بنایا جائے گا۔ شکاگو اور نیوآرلینز میں نیشنل گارڈز تعینات کریں گے۔
ڈونلڈ ٹرمپ نے کہا کہ ٹیفا سمیت شدت پسند مظاہرین کے خلاف کارروائی کی جائے گی۔ اور شہروں میں جرائم کا خاتمہ کیا جائے گا۔ میمفس میں بھی بدامنی عروج پر ہے۔
انہوں نے کہا کہ چارلی کرک کے قاتل کا بائیں بازو کے شدت پسندوں نے ذہن بدلا۔ اور انٹرنیٹ کے ذریعے نوجوانوں کا برین واش کیا جا رہا ہے۔
امریکی صدر ڈونلڈ ٹرمپ نے میمفس سیف ٹاسک فورس کے قیام کی یادداشت پر دستخط کر دیئے۔
