کراچی کے نالوں میں کچرا پھینکنے پر مکمل پابندی عائد کردی گئی، کمشنر کراچی نے دفعہ 144 کے تحت 2 ماہ کی پابندی کا اعلان کردیا، جس کے تحت 26 مئی سے 24 جولائی تک نالوں میں کچرا پھینکنا جرم قراردیا گیا ہے۔
کمشنر کراچی نے شہر بھر میں نالوں میں کچرا پھینکنے پر 2 ماہ کے لیے مکمل پابندی عائد کردی، اس پابندی کا نفاذ دفعہ 144 کے تحت کیا گیا ہے جبکہ 26 مئی سے 24 جولائی تک نالوں میں کچرا پھینکنا جرم قرار دیا گیا ہے۔
جاری کردہ نوٹیفکیشن کے مطابق پابندی کا اطلاق صفائی کے عملے، ری سائیکلرز اور عوام سمیت تمام افراد پر یکساں طور پر ہوگا، اس اقدام کا مقصد مون سون سیزن سے قبل نالوں کی صفائی اور نکاسی آب کے نظام کو بہتر بنانا ہے۔
حکام کے مطابق نالوں میں کچرا پھینکنے سے نکاسی آب میں رکاوٹ، سیلابی صورتحال اور ماحولیاتی آلودگی جیسے سنگین مسائل پیدا ہوتے ہیں، اس تناظر میں متعلقہ پولیس اسٹیشنز کو خلاف ورزی کی صورت میں شکایات درج کرنے اور کارروائی کا اختیار دے دیا گیا ہے۔
