کولمبیا یونیورسٹی کے طالبعلم محمود خلیل کی گرفتاری کے خلاف امریکا میں احتجاج جاری ہے۔
خبر ایجنسی کی رپورٹ کے فلسطینی حامی طالب علم کی گرفتاری پر نیویارک میں ٹرمپ ٹاور کی بالکونی اور باہر سینکڑوں افراد جمع ہوئے جہاں زبردست احتجاج کیا گیا۔
مظاہرین نے پلے کارڈ اٹھا رکھے تھے جن پر لکھا تھا نازیوں سے لڑو طالبعلموں سے نہیں، محمود خلیل اور فلسطین کو آزاد کرو۔
رپورٹ کے مطابق نیویارک پولیس نے کریک ڈاؤن کرکے متعدد مظاہرین کو گرفتار کرلیا۔
سوشل میڈیا پر جاری ایک بیان میں مذکورہ گروپ نے کہا کہ ہم فلسطینیوں پر مظالم ڈھانے کی فاشسٹ حکومت کی کوششوں کے ساتھ نہیں ہیں اور ہم امریکی فنڈ سے فلسطینیوں کی نسل کشی کے اقدامات بند کرنے کا مطالبہ کرتے ہیں۔
نیویارک کے محکمہ پولیس نے بتایا کہ ٹرمپ ٹاور میں تقریباً 150 مظاہرین جمع ہوگئے، جنہوں نے مختلف کارڈ اٹھا رکھے تھے، جن میں نازیوں سے لڑیں طلبہ سے نہیں اور محمود کو رہا کرو کے جملے درج تھے۔
اسی دوران پولیس نے چند مظاہرین کو گرفتار بھی کرلیا اور پولیس نے بتایا کہ 98 افراد کو گرفتار کیا گیا ہے۔
واضح رہے کہ امریکی حکومت نے کولمبیا یونیورسٹی کے طالب علم اور غزہ جنگ میں اسرائیل کے مظالم کے خلاف احتجاج کرنے والے محمود خلیل کو 8 مارچ کو گرفتار کرلیا تھا۔
