امریکی صدر ڈونلڈ ٹرمپ کی جانب سے ٹیسلا کے بائیکاٹ کو ’غیر قانونی‘ قرار دیتے ہوئے کہا گیا ہے کہ وہ ایلون مسک کی حمایت میں ایک ٹیسلا گاڑی خریدیں گے۔
غیر ملکی میڈیا رپورٹس کے مطابق صدر ڈونلڈ ٹرمپ نے حال ہی میں اعلان کیا تھا کہ وہ ٹیسلا خریدنے کا ارادہ رکھتے ہیں۔ یہ فیصلہ ٹیسلا کے سی ای او ایلون مسک کی حمایت کا اظہار ہے، جن کی کمپنی کو عالمی سیاست میں ان کی شمولیت کی وجہ سے چیلنجز کا سامنا ہے۔
صدر ٹرمپ کا کہنا ہے کہ اپنے قریبی ایڈوائزر ایلون مسک کی حمایت کے طور پر ٹیسلا کار خریدوں گا، ایلون مسک امریکی قوم کیلئے بہترین خدمات انجام دے رہے ہیں۔
امریکی صدر کا کہنا تھا کہ وہ الیکٹرک کار فرم ٹیسلا کے حصص میں 15 فیصد سے زیادہ کمی کے بعد ایک نئی برینڈڈ ٹیسلا گاڑی خریدیں گے۔
اسٹاک تجزیہ کاروں کے مطابق شئیرز کی خراب کارکردگی کی بنیادی وجہ ٹیسلا کا پیداواری اہداف حاصل کرنے اور گزشتہ سال کے دوران فروخت میں کمی کا خدشہ ہے۔
تجزیہ کاروں کا کہنا ہے کہ محصولات کے بارے میں ٹرمپ کی اپنی معاشی پالیسیاں بھی سرمایہ کاروں کو پریشان کر رہی ہیں۔
واضح رہے کہ ایلون مسک ٹرمپ کے حکومتی کارکردگی کے محکمے DOGE کی سربراہی کر رہے ہیں، جس کا مقصد اخراجات کو کم کرنا ہے
