غزہ میں ڈیڑھ سال کی بندش کے بعد اسکول دوبارہ کھل گئے۔ مغربی غزہ کے النصر اسکول میں کلاسز کا آغاز ہوگیا۔
غیر ملکی رپورٹ کے مطابق غزہ کے بچوں نے اسرائیل کے ہاتھوں شہید ہونے والے ساتھیوں، اساتذہ اور عزیز واقارب کو خراج عقیدت پیش کیا۔
ادھر حماس نے فلسطینی قیدیوں کی رہائی تک اسرائیل سے مذاکرات سے انکار کردیا، چھ یرغمالیوں کی رہائی کے بعد اسرائیل کو 620 فلسطینی قیدیوں کو رہا کرنا تھا مگر معاہدے کی خلاف ورزی کی گئی۔
دوسری جانب مغربی کنارے کے شہر جنین میں اسرائیلی ٹینک 20 سال سے زائد عرصے بعد داخل ہوگئے، ٹینکوں کی تعیناتی فوجی کارروائیوں میں توسیع کی تیاریوں کا حصہ ہے۔
