بلاول بھٹو زردارداری کا کہنا ہے کہ والدہ نے کسی سے بدلہ لینا نہیں سکھایا۔ اسی لیے کہتا ہوں جمہوریت بہترین انتقام ہے، عورتوں پر عائد پابندیوں کے باوجود شہید بے نظیر بھٹو پاکستان کی وزیراعظم بنیں۔ بے نظیر بھٹو نے پاکستان میں خواتین کے آگے آنے کے لیے راستہ کھولا۔ آج پنجاب کی وزیراعلیٰ بھی ایک خاتون ہیں۔
چیئرمین پیپلزپارٹی بلاول بھٹو زرداری نے آکسفورڈ یونیورسٹی میں لیکچردیتے ہوئے کہا کہ پاکستان کا مستقبل آئین کی بالادستی، آزاد عدلیہ اور صحافت سے وابستہ ہے۔ بے نظیر بھٹو کی زندگی پاکستان کا مستقبل بہتر بنانے کیلئے صرف ہوئی، والدہ نے بدلہ لینا نہیں سکھایا، اسی لیے کہتا ہوں جمہوریت بہترین انتقام ہے۔
بلاول بھٹو نے کہا کہ عورتوں پرعائد پابندیوں کے باوجود بے نظیر بھٹو ملک کی وزیراعظم بنیں، آج پنجاب کی وزیر اعلیٰ بھی ایک خاتون ہیں۔ پاکستان اب ایک اور مارشل لا کا متحمل نہیں ہوسکتا، پاکستان کا مستقبل آئین کی بالادستی، آزاد عدلیہ اور صحافت سے وابستہ ہے۔
چیئرمین پیپلز پارٹی نے کہا کہ بے نظیر بھٹو کی زندگی پاکستان کا مستقبل بہتر بنانے کیلئے صرف ہوئی۔ پاکستان کے عوام بہتر مستقبل کا مطالبہ کرنے کیلئے حق بجانب ہیں۔
بلاول بھٹو نے لیکچر کے دوران گفتگو میں کہا کہ نیب ڈریکونین لا ہے ہم اس کے آج بھی مخالف ہیں، سندھ میں پیپلز پارٹی نے صحت کی بنیادی سہولتوں کی فراہمی کو بہتر بنایا ہے۔
انھوں نے مزید کہا کہ بلوچستان میں سیکیورٹی صورت حال قابل تشویش ہے، پاکستان کے ایٹمی اثاثے اپنی حفاظت کیلئے ہیں۔
