سندھ حکومت نے صوبے کے بیروزگار نوجوانوں کو آسان اقساط پر جلد ای وی ٹیکسی فراہم کرنے کا فیصلہ کر لیا۔
سینئر وزیر سندھ شرجیل میمن نے میڈیا سے گفتگو کرتے ہوئے کہا کہ پیپلز پارٹی کو وزارتوں کی خواہش نہیں ہے۔ اور عوامی مسائل حل نہ ہونے پر پیپلز پارٹی کو تحفظات ہیں۔
انہوں نے کہا کہ پیپلز پارٹی نے ہمیشہ اپنا مؤقف وفاق کو پہنچایا ہے۔ اور ہم چاہتے ہیں وفاقی حکومت عوامی مسائل کو حل کرے۔
شرجیل میمن نے کہا کہ ہم مذاکراتی عمل کا خیرمقدم کرتے ہیں۔ کیونکہ ہم ملک میں امن و استحکام کے خواہاں ہیں۔
اس سے قبل سینئر وزیر سندھ شرجیل میمن نے سیکرٹری ٹرانسپورٹ کو بینکوں سے رابطوں کی ہدایت کی۔ اور کراچی میں ای وی ٹیکسی کمپنی کے حکام سے ملاقات کی۔
کمپنی کی جانب سے شرجیل میمن کو ماحول دوست ای وی ٹیکسی سے متعلق بریفنگ دی گئی۔ اور بتایا گیا کہ بے روزگار افراد کو آسان اقساط کے منصوبوں پر ای ٹیکسی فراہم کرنا چاہتے ہیں۔
