پنجاب میں دھند کا راج ہے جس کی وجہ سے مختلف موٹرویز کو مختلف مقامات پر ہر قسم کی ٹریفک کے لیے بند کیا گیا ہے۔
ترجمان ٹریفک پولیس کے مطابق موٹروےایم2 لاہور سے کوٹ مومن دھند کی وجہ سے بند ہے جبکہ موٹروے ایم 3 لاہور سے درخانہ اور موٹروے ایم 4 پنڈی بھٹیاں سے ملتان تک دھند کی وجہ سے بند ہیں۔
ترجمان ٹریفک پولیس سید عمران احمد کا کہنا ہے کہ موٹرویز کو عوام کی حفاظت اور محفوظ سفر یقینی بنانے کے لیے بند کیا جاتا ہے شہری زیادہ سے زیادہ دن کے اوقات میں سفر کرنے کو ترجیح دیں صبح 10 سے شام 6 بجے تک دھند کے موسم میں بہترین سفری اوقات ہیں۔
ترجمان کے مطابق ڈرائیور حضرات آگے اور پیچھےدھند والی لائٹس کا استعمال کر یں غیر ضروری سفر سے گریز کریں اور تیز رفتاری سے پرہیز کر یں جبکہ اگلی گاڑی سے مناسب فاصلہ رکھیں۔
