لیاری میں تاجروں سے بھتہ مانگنے والا گینگ ایران سے آپریٹ ہوتا ہے ،2 تاجروں کو بھتے کی کال کرکے ایک سے2 لاکھ روپے رقم وصول کی گئی، 2 روز قبل پولیس مقابلے میں گرفتار لیاری گینگ وار کارندے شاہد شوٹر نے وڈیو بیان میں اہم انکشاف کر دیا۔
شاہد شوٹر نے وڈیو بیان میں کہا کہ مجھے ایران سے گینگ وار کارندے یعقوب ماما نے فون کال پر2 نمبر دیئے، اور دونوں تاجروں سے بھتہ مانگنے کی ہدایت کی، ایک تاجر سے 2 لاکھ بھتہ وصول کیا جبکہ دوسرے تاجر نےکال نہیں اٹھائی ۔
لیاری گینگ وارکارندے نے بتایا کہ کچھ دن بعد مجھے ایران سے دوسرے گینگ کی کال آئی ، جس میں کہا گیا یہ ہمارا بندہ ہے، تم نے اس سے بھتہ کیوں مانگا؟
پولیس مقابلے میں گرفتارملزم نے کہا کہ لیاری میں اس وقت ایران سے بہت سے بھتہ خور گینگ چلائے جا رہے ہیں۔
