دبئی, ویسٹ ورلڈ گروپ برطانیہ کے ذیلی ادارہ ویسٹ ورلڈ ایونٹس کی جانب سے باکو میں انٹرنیشنل اچیورز ایوارڈز 2024 کے سیزن 2 کا انعقاد کیا گیا۔ اس پُروقار تقریب میں آٹھ ممالک سے معزز مہمانوں اور ایوارڈ یافتگان کو مدعو کیا گیا تھا تاکہ عالمی سطح پر مختلف شعبوں میں نمایاں خدمات انجام دینے والے افراد کی حوصلہ افزائی کی جا سکے
اس تقریب میں شوبز ،میڈیا،کاروبار، ٹیکنالوجی، تعلیم، صحت اور دیگر شعبوں میں نمایاں کارکردگی دکھانے والے افراد کی خدمات کو سراہا گیا۔ ویسٹ ورلڈ ایونٹس نے ایک بار پھر اس عزم کا اظہار کیا کہ وہ معاشرے میں نمایاں خدمات انجام دینے والے افراد کی خدمات کو ہر مقام پر ہر پلیٹ فارم پر سراہتے رہیں گے۔ تقریب کے مہمانانِ خصوصی میں پاکستان کے نامور فلم اور ٹیلویژن فنکار راشد محمود،مہمانانِ اعزاز میں دوبئی آئس فیکٹری کے چئیرمین عبدالسمیع عبدلکریم اور اے آر وائی گولڈ کی روحِ رواں ثروت عبدالرزاق شامل تھے، جنہوں نے تقریب میں نمایاں خدمات انجام دینے والے افراد کو ایوارڈز پیش کیے۔ اس بین الاقوامی تقریب میں لائف ٹائم اچیومنٹ ایوارڈ سے جن معروف فلم اور ٹیلیویژن ستاروں کو نوازا گیا اُن میں نامور بھارتی ایکٹر رضا مُراد،پاکستانی فنکار و سابق وفاقی وزیر جمال شاہ،فلمسٹار سلیم شیخ،حمزہ علی عباسی، راشد محمود،متحدہ عرب امارات سے فرسٹ عرب ہینڈ بال ریفری میجر عمر المرزُوقی،عرب ڈرامہ آرٹسٹ محمد جمال وزیر جبکہ دیگر شعبہ زندگی میں ایوارڈ حاصل کرنے والوں میں،GM گروپ آف کالجز کے چئیرمین ڈاکٹر شاہد اقبال(ایجوکیشنسٹUAE)نبراس سُہیل(ایجوکیشنسٹUAE)کرنل اویس عزیز سلیمی(بزنس مینPAK)ڈاکٹر فردوس عمران (ہیلتھ اینڈ کیئرUAE)ڈاکٹر مشتاق احمد بیگ (ایجوکیشنسٹPAK)اُمِ کُلثوم سیما(ایجوکیشنسٹUAE)،عبدالسمیع عبدالکریم(بزنس مینUAE)آرٹ نُور (آرٹ اینڈ کلچرIND)حسن رضا(بزنس مینUAE)زینت عابد(بزنس وومنUAE)مصطفیٰ علی (سپورٹس پرسنPAK) بریرہ خان(سپورٹس پرسنPAK)عثمان نعیم(بزنسمینUAE)ہارون ایس خان(بزنس مین جرمنی) ڈاکٹر معظم محمود نیازی(سائنٹسٹPAK)بانو کھتری(بزنس وومن انڈیا)نوشین افشاں بلوچ(ایڈوکیٹ PAK) ڈاکٹر احسان الحق نیازی (سائنسٹ PAK) عبدالرحمن(ایڈوکیٹ PAK)سید طاہر (بزنس مین UAE) محمد اسحاق لاشاری (سماجی راہنماPAK) امداد لاشاری (سوشل ورکر PAK) سیف اللہ لاشاری (بزنسمین UAE)منظور لاشاری (ایڈوکیٹ PAK)سردار علی لاشاری(بزنسمین UAE) عادل حُسین لاشاری (بزنسمین PAK) جبکہ آزربائیجان باکو سے پیریٹی کیفے اور آدم گروپ آف کمپنیز کے اونر طارق خان ،اسدخان اور پاکستان بزنس کمیونٹی کے صدر محبت خان شامل ہیں۔ ویسٹ ورلڈ ایونٹس کی سی ای او نائمہ لاشاری، مینجنگ ڈائریکٹر نوید ستار سمیت زرناب لاشاری، فیصل امین،شاہنواز ملک ،معین صمدانی اور اسماعیل محمد کلوییو نے شُرکا کا شکریہ ادا کِیا اور سی ای او نے اپنے اختتامی کلمات میں کہا کہ مختلف شعبوں میں نمایاں خدمات انجام دینے والے افراد کی حوصلہ افزائی وقت کی اہم ضرورت ہے اور یہ ہم سب کی مشترکہ ذمہ داری ہے۔ انہوں نے اس عزم کا اعادہ کیا کہ ادارہ رنگ، نسل، مذہب اور قومیت سے بالاتر ہو کر عالمی سطح پر اپنی ذمہ داریوں کو ادا کرتا رہے گا۔
