آئل اینڈ گیس ریگولیٹری اتھارٹی( اوگرا ) نے مائع پٹرولیم گیس ( ایل پی جی ) کی فی کلو قیمت میں اضافہ کردیا۔
اوگرا کی جانب سے ایل پی جی کی فی کلو قیمت میں 2 روپے 89 پیسے کا اضافہ کر دیا گیا ہے جس کے بعد نئی قیمت 254 روپے 19 پیسے مقرر کی گئی ہے۔
اوگرا کی جانب سے نئی قیمتوں کا نوٹیفکیشن بھی جاری کر دیا گیا ہے۔
نوٹیفکیشن کے مطابق 11.8 کلو گرام سلینڈر کی قیمت میں 34 روپے 9 پیسے کا اضافہ ہوا ہے۔
گھریلو سلینڈر کی قیمت 2965.38 سے بڑھ کر2999.47 ہو گئی ہے۔
