صدر مملکت آصف علی زرداری کے پاؤں میں فریکچر ہوگیا۔
ترجمان ایوان صدر کے مطابق صدر مملکت آصف زرداری کے گزشتہ رات دبئی ایئرپورٹ پہنچنے پر طیارے سے اترتے ہوئے پاؤں فریکچر ہوا جس کے بعد انہیں فوری طور پر ابتدائی طبی امداد کے لیے اسپتال منتقل کیا گیا۔
ڈاکٹرز نے چیک اپ کے بعد اسپتال میں آصف زرداری کے پاؤں پر پلاستر کر دیا ہے۔
ترجمان نے بتایا کہ صدر مملکت کے پاؤں پر 4 ہفتے کے لئے پلاستر کیا گیا ہے اور وہ گھر منتقل ہوگئے ہیں۔
ترجمان کا مزید کہنا تھا کہ ڈاکٹرز کی جانب سے صدر مملکت کو مکمل آرام کا مشورہ دیا گیا ہے۔
