کراچی کے علاقے ملیر ماڈل کالونی کے قریب واٹر ٹینکر نے موٹر سائیکل کو ٹکر ماردی، حادثےمیں 2 بچے جاں بحق جبکہ بچے سمیت 2 افراد زخمی ہوگئے۔
پولیس کے مطابق حادثے کا شکار افراد کا تعلق ایک ہی خاندان سے ہے، جاں بحق دونوں بچے اور زخمی بچہ آپس میں سگے بھائی تھے، لاشیں اسپتال منتقل کردی گئی ہیں۔
جاں بحق بچوں کی شناخت 10 سالہ طحہ اور 9 سالہ محمد شاہ کے نام سے ہوئی جبکہ زخمیوں کی شناخت 8 سالہ بابر اور 25 سالہ ابراہیم کے نام سے ہوئی ہے۔
پولیس کا کہنا ہے کہ فرار ہونے والے ٹینکر ڈرائیور کو گرفتار کرلیا گیا ہے، حادثے سے متعلق مزید تفتیش کی جارہی ہے۔
