زندگی کے کئی برس چرچ کے لیے وقف کرنے والی آسٹریلوی پادری نے دین اسلام قبول کرلیا ہے۔
بین الاقوامی خبر رساں ادارے کے مطابق آسٹریلوی پادری گولڈ ڈیوڈ نے اسلام قبول کرلیا ہے، جس نے اپنی زندگی کے 45 برس چرچ میں گزارے۔
گولڈ ڈیوڈ کے مطابق وہ اپنے بہنوئی کے جنازے میں شرکت کے لیے پرتھ گئے اور پرتھ کی مرکزی مسجد سے محض 150 میٹر کے فاصلے پر ایک ہوٹل کرائے پر حاصل کیا۔
جب اس مسجد میں اذان ہورہی تھی تو ان کا دل چاہا کہ وہ اس مسجد میں جائیں، جس کے بعد وہ اس مسجد میں چلے گئے اور امام مسجد سے ملاقات کی، امام مسجد نے گولڈ ڈیویڈ کو قرآن پاک تحفے میں دیا۔
آسٹریلوی پادری کا کہنا ہے کئی سالوں سے ان کے پاس قرآن مجید موجود ہے، مگر اسے پڑھنے کا اتفاق نہیں ہوا تھا۔ ’پرتھ میں مسجد سے جب میں واپس ہوٹل میں گیا تو گھٹنے ٹیک کر خدا سے دعا کی کہ مجھے مکمل سچائی دکھا۔‘
گولڈ ڈیوڈ کے مطابق دعا کرنے کے بعد انہوں نے قرآن پاک کی تلاوت کی اور اسے پڑھتے ہوئے انہیں فکری، جذباتی اور روحانی طور پر احساس ہوا کہ یہ (قرآن) خدا کا سچا کلام ہے، جس کے بعد انہوں نے اسلام قبول کرلیا۔
