کورونا وائرس سے 14ہزار 655 زندگی کی بازی ہارگئے

گجرات(جے ایم ڈی)کورونا وائرس نے دنیا بھر کو اپنی لپیٹ میں لیا ہوا ہے‘ متاثرہ افراد کی تعداد 3لاکھ 37سے تجاوز جبکہ 14ہزار 655لقمہ اجل بن چکے ہیں۔تفصیلات کے مطابق دنیا بھر میں کورونا وائر س سے اموات کی تعداد میں اضافہ کم نہ ہو سکا 14655اس سے زندگی کی بازی ہار جبکہ 3لاکھ 37ہزار متاثر اور 98ہزار 884افراد صحت یاب ہو چکے ہیں۔ اس وقت
سب سے زیادہ متاثر ہونے والا ملک اٹلی ہے جہاں جان لیوا کورونا سے مرنے والوں کی تعداد5ہزار 476ہوگئی جبکہ46 ہزار افراد اب بھی اسپتالوں میں داخل ہیں۔ چین میں وائرس سے3270افراد ہلاک ہوئے جبکہ 5120افراد متاثر ہیں۔ایران میں کورونا کے باعث اموات کی تعداد1685ہوگئی،12ہزار متاثر ہوئے، برطانیہ میں281افراد کورونا کے باعث موت کے منہ میں چلے گئے،5ہزار متاثر ہیں، بیلجیئم میں 75، جاپان میں41افراد اور ترکی میں کورونا وائرس سے اموات کی تعداد30ہوگئی.اس کے علاوہ اسپین میں کورونا وائرس سے1772اموات ہوئیں اور 25 ہزار سے زائد افراد متاثر ہیں، امریکا میں کورونا وائرس سے419افراد لقمہ اجل بن گئے، امریکہ کے اسپتالوں میں32 ہزار سے زائد مریض زیر علاج ہیں۔غیر ملکی خبر رساں ایجنسی کے مطابق فرانس میں674 افراد موت کا شکار ہوئے اور وائرس سے متاثر ہونے والے افراد کی تعداد14ہزارہوگئی ہے، سعودی عرب میں 350 افراد کرونا وائرس سے متاثر ہوئے۔انڈونیشیا میں کورونا کے48 نئے کیس رپورٹ ہوئے ہیں یہاں اموات کی تعداد 33 ہوگئی، ملائیشیا میں مہلک کورونا وائرس کے130 نئے کیس رپورٹ ہو چکے ہیں یہاں پر متاثرہ مریضوں کی تعداد ایک ہزار 34 تک جا پہنچی ہے۔بھارت میں کورونا کیسز کی تعداد 268 ہوگئی جبکہ6 افراد کے ہلاک ہونے کی اطلاعات ہیں، اس کے علاوہ دنیا بھر میں کورونا وائرس کا شکار ہوکر بیمار ہونے والے98ہزار884افراد صحت یاب ہوکر اپنے گھروں کو لوٹ چکے ہیں۔

اس خبر پر اپنی رائے کا اظہار کریں

اپنا تبصرہ بھیجیں