لاہور میں 2 سالہ بچہ زیادتی کے بعد قتل

لاہور(جے ایم ڈی) ستوکتلہ میں 2 سالہ بچہ زیادتی کے بعد قتل کردیا گیا۔

نجی ٹی وی کے مطابق لاہور کے علاقے ستوکتلہ میں پاکپتن سے آئی کنیزہ بی بی نامی خاتون اپنے دو سالہ بیٹے علمدار کے ہمراہ منہ بولے ماموں کے گھر ٹھہری ہوئی تھی، وہ بچے کو گھر چھوڑ کر لوگوں کے گھر کام کرتی تھی۔

پولیس نے مقتول کی والدہ کی مدعیت میں منہ بولے ماموں کے بیٹے علی شان کے خلاف مقدمہ درج کرلیا ہے، بچے کی ماں کا کہنا ہے کہ گزشتہ روز کام سے واپس آئی تو بیٹے کو بیہوشی کی حالت میں پایا، بیٹے کو لے کر اسپتال گئی جہاں ڈاکٹر نے بچے کی موت کی تصدیق کی، بچے کے لاش کو دیکھ کر ملزمان نے منت سماجت کے بعد لاش کو پاکپتن کے لیے روانہ کر دیا اور فرار ہوگئے، والد کے گھر پاکپتن گئی تو اہل خانہ نے نعش کو دیکھ کر بتایا کہ بچے کے ساتھ بدفعلی ہوئی ہے۔

پاکپتن پولیس نے بچے کی لاش کو دیکھ کر لاہور کی مقامی پولیس کو آگاہ کیا، پولیس نے لاش کو پاکپتن سے دوبارہ لاکر پوسٹ مارٹم کے لیے مردہ خانے منتقل کر دیا، پولیس کا کہنا ہے کہ بچے پر زیادتی اور تشدد کے واضح نشانات ملے ہیں، تمام شواہد کو فرانزک لیبارٹری بجھوا دیے۔ پولیس ذرائع کے مطابق ملزم اور اس کے تین رشتے داروں کو حراست میں لے لیا گیا ہے۔

اس خبر پر اپنی رائے کا اظہار کریں

اپنا تبصرہ بھیجیں