جمعہ کی چھٹی منسوخ؛ آج تجارتی مراکز کھولنے کا اعلان

کراچی (جے ایم ڈی )سندھ حکومت نے جمعہ کے لیے چھٹی منسوخ کرتے ہوئے تمام تجارتی مراکز کھولنے کا اعلان کردیا۔صوبائی وزیر اطلاعات و بلدیات ناصر حسین شاہ نے ایک بیان میں کہا ہے کہ جمعہ اور ہفتہ کو کاروباری برادری ایس او پیز کے تحت کاروبار کرسکتی ہے تاہم اتوار آٹھ مئی سے کاروبار بند ہوگا۔ناصر حسین شاہ کا کہنا تھا کہ اتوار کو کاروبار کی بندش کا باقاعدہ نوٹی فکیشن جاری کیا جائے گا، امید ہے عوام اور کاروباری حضرات تجارتی مراکز میں ایس او پیز کا خیال رکھیں گے۔واضح رہے کہ این سی او سی کے فیصلے کے تحت حکومت سندھ نے صوبے میں دو روز سیف ڈیز قرار دئیے تھے جس کے تحت ہر ہفتے جمعہ اور اتوار کو کاروبار مکمل طور پر بند ہوتا ہے تاہم کاروباری برادری کی درخواست پر سندھ حکومت نے جمعہ کو کاروبار کھولنے کی اجازت دی ہے۔

اس خبر پر اپنی رائے کا اظہار کریں

اپنا تبصرہ بھیجیں