کراچی: لانڈھی میں گھر سے چار بھائیوں کی لاشیں برآمد، تحقیقات شروع

کراچی(جے ایم ڈی) کراچی کے علاقے لانڈھی میں گھر سے چار بھائیوں کی لاشیں برآمد ہوئیں جنہیں جناح ہسپتال منتقل کر دیا گیا، چاروں کی موت دم گھٹنے سے ہوئی، پولیس نے تحقیقات کا آغاز کر دیا۔

کراچی میں لانڈھی کے قریب بابرکانٹا میں واقع گھر سے4افراد کی لاشیں برآمد ہوئیں، اہل محلہ نے علاقے میں ناگوار بدبوپھیلنے پر پولیس کو اطلاع دی جس نے موقع پر پہنچ کر گھر کے دروازے توڑے تو 4 افراد مردہ حالت میں پائے گئے۔ پولیس کا ابتدائی موقف ہے کہ چاروں کی موت دم گھٹنے سے ہوئی۔

چاروں افراد کی شناخت انور ، حماد ، عمر اور عثمان کے نام سے ہوئی ہے اور آپس میں بھائی بتائے گئے ہیں، پولیس نے لاشوں کو قبضے میں لے کر ہسپتال منتقل کر دیا جہاں پوسٹمارٹم کے بعد موت کی اصل وجوہات کا علم ہو گا۔

اس خبر پر اپنی رائے کا اظہار کریں

اپنا تبصرہ بھیجیں