بلاول بھٹو کا 21 جون سے ملک گیر رابطہ شروع کرنے کا فیصلہ

اسلام آباد(جے ایم ڈی) پاکستان پیپلزپارٹی نے حکومت کیخلاف سڑکوں پر آنے کی تیاری کرلی، پیپلزپارٹی نے ملک گیر رابطہ مہم و احتجاج کا شیڈول تیار کرلیا۔

نجی ٹی وی چینل دنیا نیوز نے اپنے ذرائع کے حوالے سے بتایا ہے کہ بلاول بھٹو نے 21 جون سے ملک گیر رابطہ شروع کرنے کا فیصلہ کرلیا۔ 21 جون کو پیپلزپارٹی کے تحت نوابشاہ میں جلسہ عام کا انعقاد کیا جائے گا۔ جس سے بلاول بھٹو زرداری خطاب کریں گے۔

رواں ماہ پنجاب کے مختلف شہروں میں پیپلزپارٹی کے تحت ریلیاں اور جلسے منعقد کیے جائیں گے۔ ذرائع نے بتایا کہ پیپلزپارٹی کا عوامی رابطہ مہم دو ماہ تک جاری رکھنے کا امکان ہے۔ بلاول بھٹو زرداری اگست کے اختتام تک کراچی تا کشمیر مختلف اضلاع میں رابطہ مہم کے تحت دورہ کریں گے۔

اس خبر پر اپنی رائے کا اظہار کریں

اپنا تبصرہ بھیجیں